Núna í desember færði Ragnar Þór Pétursson kennurum það sem hann kallar litla jólagjöf. Hann skrifaði færslu á Eyjuna og listaði upp allt það efni sem hann hefur sett saman, við myndum kalla það stóra jólagjöf!  Við birtum færsluna hans hér alla óbreytta til að tryggja að gjöfin glatist ekki og fari sem víðast.

Færslan er birt án hans leyfi en samt alveg í anda Ragnars Þórs sem hefur verið ötull að birta og deila allri sinni vinnu.  Við þökkum Ragnari Þór þessa rausnalegu gjöf og vonum að hún verði öðrum til fyrirmyndar og gagns.

Halda áfram að lesa →

Núna á vorönninni er haldið námskeið um vísindi á 21. öldinni (nánar hér og á Moodle gestaaðgangi). Þetta námskeið er um marga hluti nýstárlegt. Það sækja bæði starfandi kennarar úr grunn- og framhaldsskólum og kennaranemar. Námskeiðið skiptist í lotur og geta þátttakendur sótt 1-7 lotur. Í hverri lotu kemur sérfræðingur í heimsókn, þátttakendur fara í vettvangsferð og svo huga þátttakendur að því hverngi megi kenna viðfangsefnið á sínu skólastigi.

Fyrstu tvær lotur námskeiðsins hefjast með heimsóknum sérfræðinga. Mánudaginn 13. janúar hefst lota um nanótækni og þá koma Kristján Leósson frá Raunvísindastofnun HÍ og Már Másson úr lyfjafræðideild  HÍ í heimsókn. Þriðjudaginn 14. janúar hefst svo lota um líftækni og þá flytur fyrirlestur Einar Mäntylä, ORF. Halda áfram að lesa →

Það fer líklegast ekki fram hjá neinum að spjaldtölvur eru smátt og smátt að birtast í skólum. Áhuga á smáforritum til náttúrufræðikennslu má einnig merkja í hópi náttúrufræðikennara á Facebook.

Finna má mikinn fjölda smáforrita tengdum náttúruvísindum, það er hið besta mál en um leið er vandasamt og tímafrekt að finna út úr því hvað hentar nemendum og þeim markmiðum sem verið er að vinna hverju sinni.

Við á Náttúrutorgi mælum með að við nýtum samtakamátt okkar og deilum reynslu okkar, hvaða smáforrit virki vel og hvernig. Sett hefur verið upp síða hér á torginu þar sem ætlunin er að safna slíkum upplýsingum og líka ætlum við að prófa að nota Pinterest en þar geta notendur safnað saman tenglum á svokölluð borð.

Smellið á myndina til að fara á nýstofnað safn Náttúrutorgs af smáforritum til náttúrufræðikennslu.

Safnið er flokkað í sundur fyrir android og ipad, og ipad safnið flokkað niður eftir undirgreinum náttúruvísinda.

Sendið okkur notendanafnið ykkar á Pinterest (á svavap@hi.is) ef þið viljið taka þátt í að safna og skrifa umsagnir eða skellið þeim á Facebookhópinn.

Í umsögn er gott að geta þess fyrir hvaða aldurshóp forritið er, hvað nemendur geta gert, hvað það kostar, hverjir séu kostir þess og gallar. Ef dæmi um hvernig nýta má það í kennslu þá er slíkar upplýsingar ómetanlegar fyrir kennara sem er að byrja að feta sig áfram á þessari braut.

Fyrir málþing um náttúfræðimenntun sl. vor þýddi ég matsblað frá Kathleen Schrock (iPads4tTeaching: http://ipads4teaching.net). Þetta matsblað má hafa til hliðsjónar við að meta það hvaða hlutverki slík smáforrit geti gegnt í náttúrufræðinámi.

PDF matsblað með gagnvirkum gluggum: mat_á_smáforritum_med_gluggum
PDF matsblað á íslensku : mat á smáforritum,
Matsblað frá Kathy Schrock á ensku.

kv. Svava

Hér á vefnum má nú finna fjóra mats- og greiningalista sem skólar get nýtt til að meta vegferð sína í átt að menntun til sjálfbærni. Listarnir eru teknir saman og staðfærðir af Hafdísis Ragnarsdóttur og Margréti Júlíu Rafnsdóttur. Listana má sækja á word-sniði og aðlaga að sínum þörfum.

Námgagnastofnun lét taka saman hugmyndir að verkefnum sem kennarar á öllum stigum grunnskólans geta nýtt sér, í tilefni af degi íslenskrar náttúru. Verkefnin tengjast sjálfbærni og heita Ein Jörð, Neysla og Náttúra Íslands. Höfundar eru verkefnastjórar við Menntavísindasvið HÍ.

Líffræði mannslíkamans og  líffæra- og lífeðlisfræði er kennd á öllum skólastigum.  Alveg frá yngstu bekkjum grunnskólans og uppúr, kennarar á öllum skólastigum ættu því að geta skipst á skoðunum og reynslu um hugmyndir og verklegar æfingar tengdar mannslíkamanum í Menntabúðum sem haldnar verða mánudaginn 28. október 2013 kl. 15:00 – 18:00. í Réttarholtsskóla.

Nánari upplýsingar og skráning á: http://menntabudir.natturutorg.is/menntabudir/lifedlisfraedi-og-liffraedi-mannslikamans-oktober-2013/

Innan Menntavísindsviðs HÍ er mikill áhugi á að efla náttúrufræðimenntun. Sem lið í slíkri vinnu hafa verið ráðnir að sviðinu fjórir verkefnastjórar og einn nýdoktor.

Svava Pétursdóttir var ráðin í desember 2012 sem nýdoktor til að vinna að rannsóknum á sviði náttúrufræðimentnunar m.a. að kortleggja stöðu valdra þátta í náttúrufræðikennslu. Auk þess sem hún sinnir kennslu og stýrir Náttúrutorgi. Margrét Júlía Rafnsdóttir og Hafdís Ragnarsdóttir vinna að eflingu þekkingar um náttúrufræði í skólastarfi með áherslu á sjálfbærni, sinna samvinnu við háskóla og gerð námsefnis. Ester Ýr Jónsdóttir og Birgir Ásgeirsson eru að hefja störf um þessar mundir en áhersla í störfum þeirra er á náttúrufræðimenntun á 21. öld, námsefnisgerð og símenntun kennara.

Öll koma þau að Náttúrutorgi með einum eða öðrum hætti. Áætlunin er að afrakstur og afurðir starfa þeirra birtist hér á vefnum þegar fram líða stundir.

Við bjóðum þau öll hjartanlega velkomin til starfa.

Náttúrutorgi hefur bæst við góður liðsauki. Sverrir Guðmundsson hefur tekið að sér að uppfæra tenglasafn í jarðvísindum. Það er ekki amalegt að fá svona aðstoð en Sverrir er mikill stjörnuáhugamaður  og einn af aðstandendum Stjörnufræðvefsins. Safnið hefur nú fengið rækilega yfirhalningu, með góðum viðbótum og flokkun á tenglunum og kunnum við Sverri bestu þakkir fyrir.

Sverrir er vígalegur stjörnufræðikennari

Ekki er úr vegi á sama tíma að benda á nýjan krakkavef stjörnufræðifélagsins Geimurinn.is

Eitt af því sem kennarar dunda mikið við er að búa til verkefni. Þegar ég byrjaði að kenna gátu kennarar farið í kennslumiðstöðvar og ljósritað verkefni sem þangað hafði verið safnað í banka. Með upplýsingatækni opnaðist fljótleg, þægileg og ódýr leið til að dreifa gögnum, upplýsingum og skrám .Það hefði mátt halda að það yrði stundað í stórum stíl að kennarar deildu milli sín glósum, verkefnum,  prófum, glærum, vinnuseðlum og öðru sem þeir framleiða. Það hefur lítið gerst. Innan hvers skóla má samt ætla að einhver vísir að slíku sé til.

Halda áfram að lesa →