Málþing um náttúrufræðimenntun verður haldið 17.-18. apríl 2015. Dagskráin verður með fjölbreyttu sniði, erindi, smiðjur og pallborð. Kallað verður eftir framlögum í byrjun janúar 2015.
Að þinginu standa:
Rannsóknarstofa um náttúrufræðimenntun við Menntavísindasvið
Félag leikskólakennara
Samlíf félag líffræðikennara
Samtök áhugafólks um skólaþróun.
frekari upplýsingar: [email protected]
Sjávarklassinn vinnur að verkefni sem miðar að því að efla meðvitund og vekja áhuga á sjávarútvegi hjá nemendum í 10. bekk í grunnskóla.
Skólar geta haft samband við Sjávarklasann og óskað eftir kynningu en hún er skólum að kostnaðarlausu. Af vef Sjávarklasans:
Kynningin samanstendur af stuttu ágripi af sögu íslensks sjávarútvegs, sérstöðu Íslands, helstu fiskategundir og framleiðsluferlinu, en í því felst svo miklu meira en flestir gera sér grein fyrir. Sagt er frá þeim hátækniiðnaði sem sjávarútvegurinn er í dag og hinar ýmsu starfstéttir sem tengjast honum á mismunandi hátt. Einnig er bent á bæði beinar og óbeinar námsleiðir tengdar greininni og krökkunum sýnd taska sem er stútfull af hinum ýmsu aukaafurðum úr fiskinum sem fáir vita að eru framleiddar á Íslandi. Markmiðið er því að gera þeim grein fyrir hversu víðfeðm áhrif sjávarútvegurinn hefur á okkar samfélag og hversu flottur iðnaður hann er.
Sjá nánar um verkefnið hér.
Nú þegar haustar og skólar byrja aftur má minna á verkfæri og verkefni sem nýst geta á fögrum hautdögum til útiveru. Í vor var opnuð vefsíðan Útikennsluapp frá Náttúruskóla Reykjavíkur. Á vefnum segja aðstandendur: „Gönguleiðirnar sex og verkefnin í útikennsluappinu byggja á handbókinni Ævintýri á gönguför sem Bragi Bergsson vann fyrir Skóla- og frístundasvið árið 2011. Verkefnisstjórar handbókarinnar voru Fríða Bjarney Jónsdóttir og Kolbrún Vigfúsdóttir, báðar á Skóla- og frístundasviði Reykjavíkur.“
NaNO – ný vísindi með sjálfbærni að leiðarljósi
Markmið þessa námskeiðs er að styðja við kennara og styrkja þá í þverfaglegum vinnubrögðum og umfjöllun um viðfangsefni sem eiga það sameiginlegt að flokkast undir náttúruvísindi, sjálfbærni og tækni 21. aldar. Þau eru í eðli sínu þvert á greinar, bóklegar og verklegar. Mörg viðfangsefnanna teygja sig einnig yfir í samfélagsgreinar og samspil vísinda, tækni, náttúru og samfélags. Áhersla verður á grunnþætti menntunar, sérstaklega læsi og sjálfbærni í tengslum við loftslagsbreytingar, áhrif þeirra á náttúru, lífríki og efnahag.
Dæmi um viðfangsefni: nanótækni, líftækni, hafið, loftslagsverkfræði, vistheimt, sorp í framtíðinni, orkuvinnsla framtíðar, sýndartilraunir, læsi, náttúrulæsi og upplýsingatækni. Þátttakendur velja í sameiningu viðfangsefni vetrarins.
Afurðir: Á námskeiðinu verður ýmist unnið að námsefni þannig að það nýtist ólíkum námsgreinum og stuðli að samþættingu þeirra eða verkefnum sem tengjast vinnu við gerð nýrra skólanámskráa.
Markhópur: Kennarar á mið- og unglingastigi grunnskóla, aðrir kennarar og skólastjórnendur velkomnir.
Tímabil og staðsetning: Námskeiðið hefst 12. september. Staðlotur fara fram einu sinni í mánuði (að desember undanskildum) frá september 2014 – apríl 2015 á mismunandi vikudögum í seinni part dags. Dagsetningar verða ákveðnar í samráði við þátttakendur.
Kennt verður ýmist í húsnæði Menntavísindasviðs Háskóla Íslands, í grunnskólum á höfuðborgarsvæðinu eða fyrirtækjum og stofnunum.
Á milli staðlota gefast tækifæri til að eiga samskipti á netmiðlum, möguleiki er að sækja námskeiðið í fjarnámi.
Læsi á texta er mörgum þeim sem vilja efla náttúrufræðikennslu hugleikið. Hafdís Ragnarsdóttir hefur tekið saman að aðalatriðin og kennsluhugmyndir sem hún vann á námskeiðið um læsi á náttúrufræðitexta. Efnið má nálgast hér og mun vonandi nýtast kennurum við að þjálfa nemendur í að lesa og skilja texta í náttúrufræði.
Miðvikudaginn 26. febrúar stóð Rannsóknarstofa um náttúrufræðimenntun fyrir hádegispjalli. Þetta var fyrsti viðburðurinn í röð viðburða þessa vorönnina.
Hafþór Guðjónsson reið á vaðið með erindi sem hann kallaði Læsi á náttúrufræðitexta – máttur málkerfa.
Háskóli Íslands hefur sett sér markmið í sjálfbærni- og umhverfismálum sem taka til átta efnisflokka sem spanna allt frá námi og rannsóknum til hins daglega lífs háskólaborgara. Nýr umhverfisvefur hefur verið opnaður á heimasíður Háskóla Íslands undir heitinu; Sjálfbærni og umhverfi. Þar má meðal annars finna umhverfis- og sjálfbærnistefnu Háskóla Íslands, hugmyndir um hvað hver og einn getur gert til þess að stuðla að sjálfbæru samfélagi og yfirlit yfir viðburði sem tengjast umhverfismálum. Continue reading
Samráðsfundur náttúrufræði-/raungreinakennara í grunn- og framhaldsskólum á Suðurlandi var haldinn fimmtudaginn 20. febrúar sl. í Vallaskóla á Selfossi. Markmið fundarins var að skapa umræðu um kennslu í náttúrufræðigreinum, stuðla að samstarfi milli kennara á svæðinu og rjúfa faglega einangrun. Continue reading
Allir kennarar eru velkomnir á tvo fyrirlestra með umræðum sem standa frá 13:30 til 16:30 í stofu K 206 í byggingu Menntavísindasviðs HÍ við Stakkahlíð.
Mánudaginn 24. febrúar 2014 kl. 13:30-16:30.
Vistheimt – Ása Aradóttir frá Landbúnaðarháskóla Íslands flytur erindi um vistheimt á Íslandi.
Þriðjudaginn 25. febrúar 2014 kl. 13:30-16:30.
Rusl í framtíðinni – Sigurbjörg Sæmundsdóttir frá umhverfis- og auðlindaráðuneyti flytur erindi um landsáætlun um meðhöndlun úrgangs 2013-2024 og Erla Helgadóttir frá Sorpu flytur erindi um úrgangsmál framtíðar. Continue reading
Núna í desember færði Ragnar Þór Pétursson kennurum það sem hann kallar litla jólagjöf. Hann skrifaði færslu á Eyjuna og listaði upp allt það efni sem hann hefur sett saman, við myndum kalla það stóra jólagjöf! Við birtum færsluna hans hér alla óbreytta til að tryggja að gjöfin glatist ekki og fari sem víðast.
Færslan er birt án hans leyfi en samt alveg í anda Ragnars Þórs sem hefur verið ötull að birta og deila allri sinni vinnu. Við þökkum Ragnari Þór þessa rausnalegu gjöf og vonum að hún verði öðrum til fyrirmyndar og gagns.