Kall eftir efni á Málþing um náttúrufræðimenntun

Kallað er eftir efni á Málþing um náttúrufræðimenntun verður haldið 31. mars og 1. apríl 2017 í húsnæði Menntavísindasviðs Háskóla Íslands við Stakkahlíð á vegum Rannsóknarstofu um náttúrufræðimenntun (RAUN) við Menntavísindasvið Háskóla Íslands í samstarfi við ýmsa aðila. Lýsing á efni er send inn rafrænt hér: https://goo.gl/forms/KDcUGSdshxuikUW22

Fyrir hverja er málþingið?

Málþingið er ætlað öllum sem koma að menntun í náttúrufræði- og raunvísindagreinum ásamt öðrum áhugasömum. Hér með er auglýst eftir efni á málþingið frá starfandi kennurum á öllum skólastigum, leik-, grunn-, framhalds- og háskóla, skólastjórnendum, fræðafólki, fulltrúum atvinnulífsins og öðrum áhugasömum. Með náttúrufræðimenntun er átt við öll svið innan náttúru- og raunvísinda. Efni ráðstefnunnar er sniðið að öllum skólastigum.

Hvernig efni er kallað eftir?

Kallað er eftir efni af hvaða tagi sem er sem snýr að náttúrufræðimenntun á hvaða skólastigi sem er sem og menntun náttúrufræðikennara.

Hvert er formið á efninu?

Mismunandi form verður á efninu.

  • Kynningar/erindi; hámark 20 mín. með umræðum.
  • Málstofur; þrjú samtengd erindi með umræðum, hámark 1 klst.
  • Smiðjur; vinnustofur þar sem áhersla er lögð á virka þátttöku fólks, hámark 1 klst.
  • Básar; kynningar á efni tengt náttúrufræðimenntun, með viðveru kynningaraðila.
  • Veggspjöld; verða til sýnis meðan á málþinginu stendur.

Hvernig er unnt að senda inn erindi?

Lýsing á efni er send inn rafrænt hér: https://goo.gl/forms/KDcUGSdshxuikUW22

Frestur til að senda inn erindi er til 1. mars 2017.

Svör frá málþingsnefnd munu berast fyrir 10. mars 2017.

Vinsamlega áframsendu bréfið til samstarfsfólks og þeirra sem kunna að hafa áhuga.

Nánari upplýsingar veita Ester Ýr Jónsdóttir, esteryj@hi.is og Svava Pétursdóttir, svavap@hi.is hjá Menntavísindasviði Háskóla Íslands.

Að þinginu standa:

Rannsóknarstofa um náttúrufræðimenntun við Menntavísindasvið Háskóla Íslands í samstarfi við:

Félag leikskólakennara Félag raungreinakennara
GERT Samlíf, samtök líffræðikennara
NaNO Háskólinn á Akureyri
Náttúrutorg

Comments are closed.