Nú er vorið komið og sumarið handan við hornið. Síðustu menntabúðir þessa vetrar verða fimmtudaginn 22. maí kl. 14:30-16:30 í Sæmundarskóla. Tilvalið er að smella sér og fá hugmyndir sem nýst gætu úti með nemendum núna á vordögum. Að þessu sinni verða tvær vanar konur með innlegg en allar hugmyndir einnig vel þegnar. Skráning og nánari upplýsingar hér. 
RAUN- Rannsóknarstofa um náttúrufræðimenntun fær góða gesti miðvikudaginn 21. maí kl.15:00-17:00 í stofu H101 í húsnæði Menntavísindasviðs HÍ við Stakkahlíð. Þeir Brant G. Miller frá Háskólanum í Idaho og Joel Donna frá Háskólanum í Minnesota koma og verða með erindi um tvö verkefni tengd náttúrufræðimenntun. Ágripin má finna á ensku hér að neðan. Allir velkomnir
Continue reading
Hér er gluggað í B.Ed. ritgerð Kristín Brynhildur Davíðsdóttir skrifar 2006 um stafræn mælitæki. Ritgerðin heitir „Tölvur í eðlisvísindum: Verklegar æfingar með tölvutengdum mælitækjum fyrir nemendur á unglingastigi.“ Háskólinn á Akureyri Kennaradeild, Lokaritgerð B.Ed. http://skemman.is/handle/1946/334
Stór hluti af ritgerðinni (byrjar bls. 19) eru leiðbeiningar fyrir kennara og nemendur , 12 verklegar æfingar með kennsluleiðbeiningum með ítarupplýsingum um námsefnið sem tengist mælitækinu og verkefnablöðum fyrir nemendur.
Læsi á texta er mörgum þeim sem vilja efla náttúrufræðikennslu hugleikið. Hafdís Ragnarsdóttir hefur tekið saman að aðalatriðin og kennsluhugmyndir sem hún vann á námskeiðið um læsi á náttúrufræðitexta. Efnið má nálgast hér og mun vonandi nýtast kennurum við að þjálfa nemendur í að lesa og skilja texta í náttúrufræði.
Miðvikudaginn 26. febrúar stóð Rannsóknarstofa um náttúrufræðimenntun fyrir hádegispjalli. Þetta var fyrsti viðburðurinn í röð viðburða þessa vorönnina.
Hafþór Guðjónsson reið á vaðið með erindi sem hann kallaði Læsi á náttúrufræðitexta – máttur málkerfa.
Háskóli Íslands hefur sett sér markmið í sjálfbærni- og umhverfismálum sem taka til átta efnisflokka sem spanna allt frá námi og rannsóknum til hins daglega lífs háskólaborgara. Nýr umhverfisvefur hefur verið opnaður á heimasíður Háskóla Íslands undir heitinu; Sjálfbærni og umhverfi. Þar má meðal annars finna umhverfis- og sjálfbærnistefnu Háskóla Íslands, hugmyndir um hvað hver og einn getur gert til þess að stuðla að sjálfbæru samfélagi og yfirlit yfir viðburði sem tengjast umhverfismálum. Continue reading
Stofnað hefur verið myndasafn á Flickr til að halda utanum allar þær myndir sem við tökum í Menntabúðum og annarri starfsemi Náttúrutorgs.
Gjörið svo vel og skoðið:
Scientix er verkefni á vegum evrópska skólanetsins og er fjármagnað af sjöundu rammaáætlun Evrópubandalagsins á sviði rannsókna og þróunar.
Scientix verkefninu er ætlað að skapa samstarfsvettvang um raungreina- og tæknimenntun í Evrópu meðal kennara, vísindamanna og stefnumótandi aðila á sviði menntunar.
Ákveðið hefur verið að gefa í og fjölga menntabúðum næstu mánuði. Bætt hefur verið við menntabúðum um lífheiminn, loftlagsbreytingar, grunnþáttinn sjálfbærni og lífríkið. Með þessari viðbót er ætlunin að höfða einnig til náttúrufræðikennara á miðstigi grunnskólans. Umsjón með þessum menntabúðum hefur Hafdís Ragnarsdóttir og Margrét Júlía Rafnsdóttir verkefnastjórar á Menntavísindasviði HÍ.
Sem fyrr er áherslan á að deila hugmyndum og reynslu um verkefni og viðfangsefni sem eru margreynd og virka í kennslu. Auglýst er eftir innleggjum frá þátttakendum en skipuleggjendur tryggja ávallt að á dagskrá sé nóg af áhugaverðum framlögum.
Dagskrá menntabúða Náttúrutorgs má nálgast í heild sinni hér.
Náttúrutorg hefur staðið fyrir menntabúðum í vetur og nær dagskráin fram á vor. Okkur finnst stórmerkilegt hvað hægt er að gera góða og skemmtilega hluti með lítilli fyrirhöfn. Allir kennarar sem beðnir hafa verið að hýsa búðirnar hafa sagt já undireins svo auglýsum við eftir framlögum og alltaf hafa komið nóg framlög til að fylla tímann og rúmlega það.
Til að skrásetja viðburðinn og safna upplýsingum sem komið gætu öðrum að gagni er alltaf skráðar niður það helsta sem kemur fram og teknar myndir. Slíkt segir ekki alla söguna en alltaf má hafa samband til að fá frekari upplýsingar og ná í þá sem þekkinguna hafa. Við vonumst líka til að þessi umfjöllun kveiki í fleirum að mæta í næstu búðir. Umfjöllun um fyrri menntabúðir má finna efst á síðu mennabúða undir tenglinum liðnar menntabúðir.