GSS208F; Náttúruvísindi á 21. öld
10 e námskeið kennt á vorönn 2014 (kennarar af vettvangi geta valið að taka færri einingar)
Nýtt og spennandi námskeið þar sem kynnst verður nýjustu tækni og vísindum með tengingu við stofnanir og fyrirtæki á Íslandi.
Námskeiðið er ætlað kennurum á unglingastigi í grunnskólum og kennurum í framhaldsskólum.
Hver lota stendur yfir í 3 vikur. Farið verður í valin þverfagleg viðfangsefni úr vísindastarfi með áherslu á framtíðina. Viðfangsefni tengjast námi og kennslu í grunn- og framhaldsskólum og eiga að þjálfa kennara í að taka við spurningum frá nemendum um nýjustu tækni og vísindi.
Námskeiðið byggist á lestri greina í fag- og vísindatímaritum um nýjungar í náttúruvísindum, kynningum fluttum af vísindamönnum og samnemendum, og vinnu verkefna. Einnig verða heimsóttir staðir þar sem kynnt verða verkefni á Íslandi, bæði rafrænt og í raun.
Nemi velur lokaverkefni, bæði form og inntak, í samráði við umsjónarkennara.
Námskeiðinu er skipt í 8 sjálfstæða hluta þar sem mismunandi viðfangsefni verða tekin fyrir. Hver hluti eru 2 einingar.
Starfandi kennurum er boðið upp á að taka eins fáa eða eins marga hluta og þeir vilja, allt frá einum upp í 8.
Kennt er á mánudags- og þriðjudagseftirmiðdögum kl.13:30 – 16:30 í Stakkahlíð.
Nánari upplýsingar í kennsluskrá.
| Efni (drög) | Dagsetningar |
| Upphafsfundur: Í fyrstu fer fram kynning á námskeiðinu, uppbyggingu þess og námsmati. Nemendur og kennarar ræða saman. |
Mánudagur 6. janúar. Allir mæta. |
| Nanótækni: Við skoðum hvernig nanótækni tengist í okkar daglega líf í framtíðinni og hvaða möguleika Ísland og heimurinn hafa á þessu sviði í framtíðinni, t.d. hvað varðar lyf, tölvur og orkuframleiðslu. |
Mánudagana 13. janúar, 20. janúar og 27. janúar |
| Líftækni: Líftækni er örtvaxandi grein. Við skoðum hvaða möguleika líftækni býður upp á og kynnumst rannsóknum á sviði líftækni á Íslandi. |
Þriðjudagana 14. janúar, 21. janúar og 28. janúar |
| Hafið: Dæmi um viðfangsefni: Fiskimið, súrnun sjávar, hlýnun sjávar, breytingar á hafstraumum o.fl. |
Mánudagana 3. febrúar, 10. febrúar og 17. febrúar |
| Loftslagsverkfræði: Takist þjóðum heims ekki að draga úr losun gróðurhúsalofttegunda eru til leiðir til að minnka magn þeirra í andrúmslofti án þess að minnka útblásturinn. Við skoðum hvaða möguleikar eru í stöðunni. |
Þriðjudagana 4. febrúar, 11. febrúar og 18. febrúar |
| Vistheimt: Endurheimt vistkerfa er ekki bara mikilvæg til endurheimtar gróðurs- og jarðvegsgæða heldur einnig til viðhalds loft- og vatnsgæða sem og lífbreytileika svo eitthvað sé nefnt. Nemendur fá að kynnast verkefnum sem snúa að vistheimt á Íslandi og hver framtíðarverkefni þjóðarinnar gætu verið. |
Mánudagana 24. febrúar, 3. mars og 10. mars |
| Rusl í framtíðinni: Við skoðum hvaða möguleika Ísland hefur varðandi sorp í framtíðinni þar sem sjálfbærni er höfð til hliðsjónar. |
Þriðjudagana 25. febrúar, 4. mars og 11. mars |
| Orkuframleiðsla framtíðarinnar: Flestir eru sammála um að samfélög framtíðarinnar þurfi á mikilli orku að halda. Við veltum fyrir okkur hvaðan orkan mun koma og hvernig við getum notað auðlindir Jarðar á sjálfbæran hátt. |
Mánudagana 17. mars, 24. mars og 31. mars |
| Sjálfvalið efni: Efni enn óákveðið. Efni verður ákveðið í samráði við nemendur eftir óskir frá þeim. |
Þriðjudagana 18. mars, 25. mars og 1. apríl |
| Lokaverkefni: Kennsluhugmynd útbúin úr einu af viðfangsefnum námskeiðsins. |
Mánudagur 7. apríl. Allir mæta. |
| Kynning á lokaverkefni | Mánudagur 5. maí. Allir mæta. |
Hægt er að velja sér nokkur viðfangsefni eða taka öll.
Bakvísun: Náttúruvísindi á 21. öld | Náttúrutorg
Bakvísun: Náttúruvísindi á 21 öld. | Náttúrutorg
Bakvísun: Opin erindi um vistheimt og ruslamál | Náttúrutorg